"Кітапханаға кітап сыйла" акциясы

Түркістан облысы, Мақтаарал ауданы,адами әлеуетті дамыту бөліміне қарасты Қ.Аманжолов атындағы N22 жалпы орта мектебі коммуналдық мемлекеттік мекемесінде кітапхана меңгерушісі Б. Арынованың ұйымдастыруымен Халықаралық кітап сыйлау күніне арналған " Кітапханаға кітап сыйла" акциясы өтті . Мақсаты: Оқырмандарды бір біріне жақсы кітаптар сыйлауға шабыттандыру және тапсырылған кітабы өзекті сыйлық болып қала беретіндігін ұғындыру, өзара сыйластықты қалыптастыру. Шараға мектебіміздің директоры Г.Жумабекова,оқу ісі жөніндегі орынбасары Зауре Максутова , тәрбие ісі жөніндегі орынбасары Roza Primkulova , Қосымша білім беру педагогы Мадина Ержігітова , дене шынықтыру пәнінің мұғалімі Б.Айнабеков, АӘД жетекшісі А.Мұғражов және де зейнеткер ұстазымыз, Жаңа жол. а/ә "Әжелер кеңесі" төрайымы Г.Қамбарбекова, С.Торайғыров мектебінің директоры Акмурат Акназаров , Қ.Аманжолов жом түлегі, Мақтаарал ауданы,әкімінің баспасөз хатшысы Дінмұхамед Аязбеков бұл акцияға қатысып, мектеп кітапхана қорына өз үлестерін қосу мақсатында түрлі әдеби, мәдени, танымдық кітаптар сыйға тартты. Бұл мереке кітаптарды жақсы көретіндердің барлығын біріктіріп қана қоймай, барша оқырмандардың оқуына мүмкіндік беретінін, бұл күннің басты мақсаты кітаптың сыйлық болып қала беретінін, технология ғасырында да өз құндылығын жоғалтпайтындығын дәлелдеді.